मुक्तिनाथ विकास बैंकको केन्द्रीय कार्यालय भवन बनाउने काम सुरु

१५ मंसिर, काठमाडौं । मुक्तिनाथ विकास बैंक लिमिटेडले काठमाडौं महानगरपालिका वडा नं. ३, लाजिम्पाट, स्थित आफ्नै जग्गामा केन्द्रीय कार्यालय भवन निमार्णको लागि भूमी पूजा तथा भवनको शिलन्यास गरिएको छ ।

बैंकको सञ्चालक समितिका अध्यक्ष भरतराज ढकालले भूमी पूजा तथा शिलन्यास गरेका हुन् । विकास बैंकले छिट्टै भवन निर्माण सम्पन्न गरी आफ्नै भवनमा केन्द्रीय कार्यालय स्थानान्तरण गर्ने तयारी गरेको छ । सेवालाई थप स्तरीयता र सवल बनाउन सहज हुने तथा बैंकको केन्द्रीय कार्यालयले स्थायित्व पाउने बैंकले जनाएको छ ।

उक्त शिलन्यास कार्यक्रममा बैंकका संचालक समितिका सदस्यहरु, शेयरधनी तथा ग्राहक र कर्मचारीहरुको उपस्थिती रहेको थियो । विकास बैंकले कोरोनाको संक्रमणबाट सुरक्षित भई डिजिटल बैंकिङ्ग कारोबार र प्रणालीलाई प्रोत्साहन गर्न भिषा नेटवर्क अन्तर्गतको जुन सुकै बैंकको एटीएमबाट बिना कुनै शुल्क रकम झिक्न सकिने व्यवस्था गरिएको छ ।

त्यसै गरी मोबाईल बैंकिङ्ग, क्यूआर कोड स्क्यान, अनलाईन कर्जा आवेदन, अनलाईन खाता खोल्ने, ईन्टरनेट बैंकिङ्ग, खाता मै रेमिट्यान्स जम्मा आदि जस्ता कार्यहरु बैंकको शाखामा उपस्थित नभई घरबाट गर्न सकिने व्यवस्था गरिएको छ । हाल विकास बैंकको १३८ ओटा शाखाहरु रहेको प्रमुख सुचना अधिकारी तिलबहादुर गुरुङ्गले जनाए ।