वालिङका मेयर खाँणलाई मातृशोक

१६ मंसिर, वालिङ । वालिङ नगरपालिकाका मेयर दीलिपप्रताप खाँणलाई मातृशोक परेको छ । खाँणकी माता फूलकुमारी खाँणको ८६ बर्षको उमेरमा वालिङ ८ स्थित निवासमा आज निधन भएको परिवारले जनाएको छ ।

स्वर्गीय खाँणमा कुनै पनि दीर्घरोग नरहेको परिवारले जनाएका छन् । स्वर्गीय खाँणका ५ छोरा तथा १ छोरी मध्ये दुई छोराको यसअघि नै निधन भइसकेको छ ।

स्वर्गीय फूलकुमारी खाँणको भोलि बिहान रामनदीधाम राम्दीमा हिन्दु परम्परा अनुसार अन्तिम संस्कार गरिने परिवारका सदस्य एवं समाजसेवी बिष्णुप्रताप खाँणले जानकारी दिए ।

स्वर्गीय फूलकुमारी खाँणका पति स्वर्गीय यमबहादुर खाँण बिक्रम सम्वत २०१५ सालका सांसद हुन् । खाँण परिवार ग्रह्रौंकोट राजा खानदान अन्तर्गतको परिवार हो ।