पौडेललाई पक्राउ गरेको विरोधमा सप्तरीमा मशाल जुलुस

१८ मंसिर, राजबिराज । सप्तरीमा पनि मसाल जुलुस प्रदर्शन भएको छ । कांग्रेस वरिष्ठ नेता रामचन्द्र पौडेललाई पक्राउ गरेको विरोधमा सप्तरीमा नेपाल विद्यार्थी संघले प्रदर्शन गरेको हो ।

नेविसंघ सप्तरीले आज राजविराजमा विशाल प्रदर्शनसहित मसाल जुलुस निकालेको हो । तनहुँको व्यास नगरपालिका वडा नं १, १० र ११ जोड्ने बुल्दीखोला पुलको वरिष्ठ नेता पौडेलले बिहीबार उद्घाटन गरेका थिए ।

बुधबार पुल उद्घाटन गर्न खोज्दा पौडेललाई पक्राउ गरिएको थियो । घटनाको भर्त्सना गर्दै नेविसंघ सप्तरी र नेपाल तरुण दल सप्तरीका सभाति सीता प्रयाद यादवले नेतृत्व गरेका थिए ।