एनसीसी बैंकको लाभांशमा गत वर्ष भन्दा ५ प्रतिशतले गिरावट

५ पुष, काठमाडौं । एनसीसी बैंक लिमिटेडले आ.व. २०७६/७७को मुनाफाबाट १०.८० प्रतिशत लाभांश दिने घोषणा गरेको छ । बैंकको गत पुष ३ गते साँझ ४ बजे बसेको सञ्चालक समिति बैठकले गत वर्षको नाफाबाट १०.२६९ प्रतिशत बोनस शेयर र कर प्रयोजनको लागि ०.५४० प्रतिशत नगद लाभांश दिने निर्णय गरेको हो ।

अघिल्लो वर्ष एनसीसी १५ प्रतिशत बोनस शेयर र ०.७९ प्रतिशत नगद लाभांश गरी १५.७९ प्रतिशत लाभांश वितरण गरेको थियो । बैंकले यसपटक ९६ करोड ५ लाख ९९ हजार ७३५ रुपैयाँ बराबरको बोनस शेयर बाँड्नेछ । यस्तै, कर प्रयोजनमा ५ करोड ५ लाख ५७ हजार ८८१ रुपैयाँ नगद लाभांश वितरण गर्नेछ । नियामक राष्ट्र बैंक र आगामी साधारण सभाले अनुमोदन गरेपछि लगानीकर्तालाई वितरण सुरु गरिने कम्पनी सचिव कपिल ज्ञवालीले जानकारी दिए ।