इनभेष्टमेन्ट बैंकको लाभांश निरन्तर घट्दो क्रममा, १३ प्रतिशत बोनस प्रस्ताव

५ पुष, काठमाडौं । नेपाल इन्भेष्टमेन्ट बैंक लिमिटेडले वितरण गर्ने लाभांश निरन्तर घट्दै गएको छ । बैंकले गत आर्थिक वर्षको कमाइबाट शेयरधनीहरुलाई वितरण गर्ने लाभांश घोषणा गरेको छ ।

बैंकको आज बसेको सञ्चालक समितिको बैठकले शेयरधनीहरुलाई १३ प्रतिशत बोनस शेयर र कर सहित साढे पाँच प्रतिशत नगद लाभांश गरी कुल साढे १८ प्रतिशत लाभांश वितरण गर्ने घोषणा गरेको हो। प्रस्तावित लाभांश राष्ट्र बैंकको स्वीकृति र बैंकको आगामि साधारणसभाले पारित गरेपछि शेयरधनीले पाउनेछन् ।

बैंकले यसपटक १ अर्ब ८५ करोड २३ लाख ६४ हजार ८५ रुपैयाँ बराबरको बोनस सेयर बाँड्नेछ । यस्तै, ७८ करोड ३६ लाख ९२ हजार ४९८ रुपैयाँ नगद लाभांश वितरण गर्नेछ । आ.व. २०७५/७६ मा बैंकले १०.५ प्रतिशत बोनस शेयर र ८.५५ नगद लाभांश गरी १९ प्रतिशत लाभांश वितरण गरेको भने आ.व. २०७४/७५मा ४० प्रतिशत लाभांश वितरण गरेको थियो ।