पुष १४ सम्म कायम शेयरधनीलाई नबिल बैंकले बोनस र लाभांश दिने

९ पुष, काठमाडौं । नबिल बैंक लिमिटेडले प्रस्ताव गरेको लाभांश पुष १४ गतेसम्म कायम शेयरधनीले पाउने छ्न् । लाभांश वितरण तथा सभा प्रयोजनका लागि बैंकले पुष १५ गते बुक क्लोज गर्ने भएको छ ।

बैंकले आर्थिक वर्ष २०७६/७७ को नाफाबाट घोषणा गरेको ३५.२६ प्रतिशत लाभांश पारित गर्न पुष २९ गते वार्षिक साधारण सभा गर्ने भएको छ । सभा बैंकको केन्द्रीय कार्यालय दरबारमार्ग काठमाडौंमा बिहान १० बजेदेखि सुरु हुनेछ । सभाले बैंकको सञ्चालक समितिले गत वर्षको नाफाबाट प्रस्ताव गरेको ३३.५ प्रतिशत बोनस शेयर र बोनसमा लाग्ने करसहित १.७६ प्रतिशत नगद लाभांश पारित गर्ने विशेष प्रस्ताव छ ।

बैंकको अधिकृत पुँजी वृद्धि गरी १४ अर्ब पुर्याउने, बैंकको प्रवन्धपत्र र नियमावलीको नियम संशोधन गर्ने प्रस्ताव पारित गरिने भएको छ । सर्वसाधारण सेयरधनीहरुको तर्फबाट सञ्चालक समितिमा प्रतिनिधित्व गर्ने २ जना सञ्चालकको निर्वाचन गर्ने लगायतका प्रस्तावहरु पनि पारित गर्ने बैंकले जानकारी दिएको छ ।