उखु किसान र सरकारबीच चार बुँदे सहमति, माइतीघरको आन्दोलन स्थगित

१३ पुष, काठमाडौं । माइतीघरमा दुई हप्तादेखि आन्दोलित उखु किसान र सरकारबीच ४ बुँदे सहमति भएको छ । सोमबार उद्योग तथा वाणिज्य मन्त्रालयका प्रतिनिधि र किसानबीच चार बुँदे सहमति भएको हो ।

सरकारसँग सहमति भएसँगै उखु किसानले माइतीघरमा आन्दोलन रोक्नेछन् । भुक्तानी दिन बाँकी चिनी मिलहरूले अबका २१ दिनभित्र किसानको सबै पैसा दिने सहमति भएको हो।

यदि भुक्तान गरेमा चिनी मिलहरूलाई कारबाही गर्ने पनि सहमति भएको छ। यसका साथै भुक्तानी र अनुदान रकम फरक परेका लगायत विषय तथा समस्या समाधानका लागि समिति गठन गरिने पनि सहमति भएको छ ।

यसअघि पनि यस्तै सहमति गरेपछि उद्योगीले उखु किसानको बक्यौता नदिने समस्या थियो । यसपटक पनि हप्तौ आन्दोलन गरेका किसान उधारो सहम्झौता गर्न बाध्य भएका छन् ।