सुन र चाँदीको मुल्य घट्यो

१४ पुष, काठमाडौं । आज सुनको भाउ घटेको छ । हिजो ७०० रुपैयाँले बढेको सुनको भाउ आज ८०० रुपैयाँले घटेको हो । नेपाली बजारमा सुनको मूल्य प्रतितोला रु ८०० ले घटेको नेपाल सुनचाँदी व्यवसायी महासङ्घलृ जनाएको छ ।

आज छापावाल सुन प्रतितोला रु ९४ हजार १०० मा कारोवार हुने गरी मूल्य निर्धारण भएको छ । छापावाला सुन प्रतितोला रु ९४ हजार ९०० मा सोमबार कारोवार भएको थियो । यस्तै तेजाबी सुन सोमबार प्रतितोला रु ९४ हजार ४०० मा कारोवार भएकामा आज प्रतितोला रु ९३ हजार ६०० मूल्य निर्धारण भएको छ । तेजाबी सुन पनि प्रतितोला रु ८०० ले घटेको छ ।

आज चाँदीको मूल्य पनि प्रतितोला रु १५ ले घटेको छ । प्रतितोला रु एक हजार ३१५ मा सोमबार कारोवार भएको चाँदी आज भने एक हजार ३०० मूल्य निर्धारण भएको छ ।