सीतालाई भेट्न मेडिसिटी अस्पतालमा प्रचण्ड

१५ पुष, काठमाडौं । बिरामी पत्नी सीता दाहाललाई भेट्न नेकपाका अध्यक्ष पुष्पकमल दाहाल प्रचण्ड भैंसेपाटीस्थित मेडसिटी अस्पताल पुगेका छन् । आकस्मिक रुपमा बिरामी परेपछि मेडीसिटी अस्पताल भर्ना भएकी सीतालाई भेट्न प्रचण्ड अस्पताल पुगेका हुन् ।

बुधबार स्वास्थ्यमा थप समस्या भएपछि सीतालाई उपचारका लागि मेडिसिटी भर्ना गरिएको हो । लामो समयदेखि प्रोग्रेसिभ सुप्रान्यूक्लियर पाल्सी पीएसपी रोगको उपचार गराइरहेकी उनलाई चिकित्सकहरुले आकस्मिक कक्षमा राखेर उपचार गराइरहेका छन् ।

अस्पतालका अनुसार उनको स्वास्थ्य अवस्था खतरामुक्त छ । यसअघि उनको सिंगापुरमा उपचार गरिएको थियो । तर पनि सञ्चो हुन सकेको छैन् ।