मुल्य समायोजनपछि एनसीसी बैंकको पहिलो कारोबार, शेयर मुल्य न्यूनतम र अधिकतम कति ?

२१ पुष, काठमाडौं । आर्थिक वर्ष २०७६/७७ को नाफाबाट १०.२७ प्रतिशत बोनस शेयर प्रस्ताव गरेको नेपाल क्रेडिट एन्ड कमर्स (एनसीसी) बैंकको शेयर मूल्य समायोजनपछि आज पहिलो कारोबार भएको छ ।

एनसीसीको सोमबारको अन्तिम कारोबार मुल्य ३५७ लाई आधार मानेर नेप्सेले समायोजनपछिको कारोबार मुल्य ३२४ रुपैयाँ तोकेको थियो ।

मुल्य समायोजनपछि बैंकको पहिलो कारोबार १० कित्ता शेयर ३४० रुपैयाँमा ब्रोकर नं. ५९ बेचेको छ भने ब्रोकर नंं ३५ ले किनेको छ । त्यस पछि निरन्तर कारोबार हुँदै गएसँगै बैंकको शेयर आज न्युनतम ३१८ रुपैयाँमा ६५८ कित्ता शेयर कारोबार भएको छ ।

कारोबार बन्द हुने समयमा ५०० कित्ता शेयर ब्रोकर नं. ३बाट बेचिएको छ भने ब्रोकर नं. ५८ बाट किनिएको छ ।

बैंकको आज कुल ३६४ वटा कारोबार हुँदा ९९ हजार छ सय ४९ कित्ता शेयर कुल तीन करोड २५ लाख ४७ हजार पाँच सय २३ रुपैयाँमा खरिद बिक्री भएको छ । बैंकले आगामी माघ ९ गते बस्ने साधारण सभाका लागि आज बुक क्लोज गरेको छ ।

हिजोसम्म कायम शेयरधनीले सञ्चालक समितिले प्रस्ताव गरेको लाभांश पाउनेछन् । बैंकले यसै आर्थिक वर्षमा कर प्रयोजनको लागि ०.५४ प्रतिशत नगद लाभांश पनि वितरण गर्न लागेको छ ।