भेरी नदीमा बस खस्यो, एक जनाको मृत्यु

२३ पुष, सुर्खेत । सुर्खेतमा बस दुर्घटना हुँदा १ जनाको मृत्यु भएको छ । गुर्भाकोट नगरपालिका–९, भुल्के नजिकै मान्छे लिन गएको बस भेरी नदीमा खस्दा १ जनाको मृत्यु भएको हो । दुई जना घाइते भएका छन् ।

दाङबाट सल्यानको सल्लीबजारतर्फ जाँदै गरेको ना ५ ख ७७५० नम्बरको बस भेरी नदीमा खस्दा दाङको बबइ गाउँपालिका ३, का २१ वर्षीय सुमन नेपालीको मृत्यु भएको हो ।

यस्तै घाइते भएका दुई जनाको नेपालगञ्ज मेडिकल कलेज शिक्षण अस्पताल कोहलपुरमा उपचार भइरहेको छ । प्रहरीका अनुसार गाडीमा तीन जनामात्रै सवार थिए ।