राजसंस्था र हिन्दुराष्ट्र कायम गर्न संविधान संशोधन आवश्यक: अध्यक्ष लोहनी

७ माघ, राजविराज । राष्ट्रिय प्रजातन्त्र पार्टीका अध्यक्ष डा. प्रकाशचन्द्र लोहनीले सत्तालिप्सा र भ्रष्टाचारको कारण देश अराजकतातर्फ धकेलिएको बताएका छन् । उनले सरकार चौतर्फी रुपमा असफल भएको कारण नेपाल अहिले विदेशीहरुको क्रिडास्थल बनेको दावी गरे ।

ओली सरकारले संविधानमा कतै नभएको काल्पनिक प्रवाधान प्रयोग गरि विघटन गरेको संसद पुर्णतया असंवैधानिक रहेको उल्लेख गर्दै सर्वोच्च अदालतलाई संविधानको सर्वोच्चता कायम गर्ने ऐतिहासिक अवसर समेत आएको उल्लेख गरे ।

पार्टीको जिल्ला स्तरिय भेलालाई सम्वोधन गर्न सप्तरीको राजविराज पुगेका नेता लोहनीले नेपालको राष्ट्रियताको जग बलियो बनाउन राज्यका विभिन्न अंगमा आदिवासी, जनजाति, दलित, मधेसी र खसआर्यको समानुपातिक उपस्थिति अनिवार्य रहेको बताउँदै यसप्रति हालसम्मका स्वघोषित क्रन्तिकारी सरकारहरुको ध्यान नजानु आश्चर्य रहेको बताएका छन् ।

साथै डा. लोहनीले राष्ट्रिय एकतालाई बल पु¥याउन संविधान अन्तरगतको राजसंस्था र नेपाली पहिचानको निमित्त हिन्दुराष्ट्र कायम गर्न संविधानको संशोधन आवश्यक रहेको समेत बताए । उक्त जिल्ला स्तरिय सभा राप्रपा सप्तरीका अध्यक्ष उमदेश्वर साहको सभापतित्वमा सम्पन्न भएको छ ।

सभालाई राप्रपाका नेताहरु रामचन्द्र राय, भोला साह, श्याम तिमिल्सिना, जनकराज पाठक, राजु लोहनी लगायतले सम्वोधन गरेका थिए ।