गरिमा विकास बैंकद्वारा ‘स्मार्ट टेलर’को सुरुवात

११ माघ, काठमाडौं । गरिमा विकास बैंक लिमिटेडले आफ्नो डिजिटल बैंकिङलाई थप प्रभावकारी बनाउँदै विना चेकबुक मोबाईल बैंकिङमार्फत  उपलब्ध क्यु.आर.लाई स्कान गरि पैसा झिक्न मिल्ने ‘स्मार्ट टेलर’को सुरुवात गरेको छ ।

बैंकले सो सुविधा लाजिम्पाट शाखाबाट मात्र उपलब्ध गराईरहेको छ । अन्य शाखामा पनि चाडै यो सुविधा उपलब्ध गराउने बैंकले जानकारी दिएको छ । डिजिटल बैंकिङलाई प्राथमिकताका साथ आत्मसाथ गर्दै ग्राहकवर्गहरुमा थप सुविधायुक्त ग्राहकमैत्री प्रविधिहरु भित्राउन गरिमा विकास बैंक सधै तत्पर रहने यस बैंकका प्रमुख कार्यकारी अधिकृत गोविन्दप्रसाद ढकालले बताए ।

हाल गरिमा विकास बैंकले १०६ शाखा कार्यालयहरु र ५१ एटीएमबाट आफ्ना ग्राहकहरुलाई सरल, सुरक्षित एवमं गुणस्तरिय बैंकिङ सुविधा दिदै आईरहेको छ ।