मुद्दती बचतमा एनएमबी बैंककाे चमत्कार, बाँकी २६ काे अवस्था कस्ताे ?

माघ २३, काठमाडौं । कोरोनाले शिथिल पारेको अर्थतन्त्र पून जुरमुराउन क्रममा छ । यतिबेला बैंक तथा वित्तीय संस्थाहरु पुरानै लयमा फर्कन थालेका छन् । बैंक वित्त संस्था लयमा अगाडि बढिरहेको अवस्थामा मुद्दती निक्षेपको ब्याजदर भने दिनानुदिन घटाउदै गइरहेका छन् । चैत उता मुद्दती निक्षपको ब्याजदर बढाउन बैंकहरुमा प्रतिस्प्रर्धा हुन्थ्यो । भने अहिले मुद्दती निक्षेपको ब्याजलाई हेर्दा निकै नै घटेको पाइन्छ । कुनै बेला १० प्रतिशत बढि ब्याजदर दिइरहेका अधिकांश बैंकले यतिबेला ७ प्रतिशतसम्म ब्याज दिइरहेका छन् ।

हरौं यतिबेला कुन बैंकले मुद्दती निक्षेपमा कति ब्याज दिइरहेका छन् ।

एनएमबी बैंकले मुद्दती निक्षेप अर्थात फिक्स डिपोजिटमा ८.१० प्रतिशत ब्याज दिइरहेको छ । यो यतिबेला बैंकहरुले दिइरहेको मध्यकै सबैधन्दा बढि हो । दाेस्राेमा  सिभिल बैंकले मुद्दती निक्षेपमा  ८ प्रतिशतसम्म ब्याज दिइरहेको छ । राष्ट्रिय वाणिज्य बैंकले मुद्दती निक्षेपमा ७ प्रतिशत ब्याज दिइरहेको छ । त्यस्तै, सनराइज बैंक, सिद्धार्थ बैंक, नेपाल इन्भेष्टमेन्ट, मेगा बैंक, नेपाल बैंक लिमिटेड, माछापुच्छ्रे बैंक, लक्ष्मी बैंक, हिमालयन बैंक र बैंक अफ काठमाण्डूले मुद्दती निक्षेपमा ७ प्रतिशतसम्म ब्याज दिइरहेको छन् ।

कृषि विकास बैंकको मुद्दती निक्षेपमा ७.२५ प्रतिशतसम्म ब्याज दिइरहेको छ भने, सेञ्चुरी बैंक र सिटिजन्स बैंकले ७.५० प्रतिशतसम्म ब्याज दिइरहेको छन ।

त्यस्तै, कुमारी बैंक र नेपाल बंगलादेश बैंकले मुद्दति निषेपमा ६.७५ प्रतिशतसम्म ब्याज दिइरहेको छन । नेपाल क्रेडिट एण्ड कमर्स बैंकले ६.२५ प्रतिशतसम्म ब्याज दिइरहेको छ । त्यस्तै, नेपाल एसबीआई बैंकले ५ प्रतिशतसम्म ब्याज दिइरहेको छ । प्राइम कर्मशियल बैंकले ७.५० प्रतिशतसम्म ब्याज दिइरहेको छ ।

त्यस्तै, एभरेष्ट बैंक, ग्लोबल आईएमई बैंक, सानिमा बैंक, प्रभु बैक एनआइसी एशिया बैंकले मुद्दती निक्षेपमा ६.५० प्रतिशतसम्म ब्याज दिइरहेको छन । स्ट्याण्डर्ड चार्टर्ड बैंकले ६ प्रतिशतसम्म ब्याज दिइरहेको छ ।

वाणिज्य बैंकहरुको फिक्स डिपोजिटको बचतको व्याजदर हेर्दा औषतमा ६.८४ प्रतिशत रहेको देखिन्छ ।