किन लगाइन्छ हातमा औंठी ? यस्तो छ वैज्ञानिक कारण

धेरैलाई थाहा नै छ, हातमा औँठी सौन्द्रर्यको प्रतिकको रुपमा, त्यस्तै आर्थिक रुपमा सवल व्यक्तिहरुले सम्पन्नताको प्रतिकको रुपमा धारण गर्दछन् । त्यस्तै ग्रहगोचरको दृष्टिकोणले शुभलाभको प्रतिकको रुपमा औँठी लगाईन्छ भने अर्कोतिर विवाहमा लगाउने प्रचलन रहेको छ, जसलाई हामी साईमुन्द्रो पनि भनिन्छ ।

औँठी किन लगाईन्छ, यसको वैज्ञानिक कारण के छ, आज यसैको बारेमा चर्चा गर्नेछौं । बुढी औंला बाहेक औंलाको संकेत जेठी, माईली, साईली र कान्छी औंला भनी नाम दिएको छ । पञ्चतत्वले हाम्रो शरीर बनेको छ । मानिसको हातमा भएका पाँच औंलाहरुले यिनै पञ्चतत्वलाई प्रतिनिधित्व गरेका छन् ।

ग्रहगोचरका दृष्टिकोणले विभिन्न रङका रत्न तथा पथ्थरहरु लगाउँछौं । तिनीहरुको सम्बन्ध यिनै पञ्चतत्वसँग जोडिएको छ र जुनसुकै औंलामा लगाउने औँठीले हाम्रो शरीरलाई प्रत्यक्ष असर पारिरहेको हुन्छ ।

हातको कान्छी औंलाले जल तथा पानी तत्वको प्रतिनिधित्व गर्दछ । कान्छी औंलामा लगाउने औँठीले हाम्रो शरीरमा पानीको मात्रा कमी छ भने शरीरलाई आवश्यक मात्रामा चाहिनेजति पानीको मात्रा पुर्ति गर्ने वा शरीरमा भएको रगत तथा रस रसादीलाई व्यवस्थापन गर्ने काम कान्छी औलामा लगाउने औँठीले गर्दछ । हाम्रो शरीरमा पानीको मात्रा अत्यन्तै ठिक हुनु जरुरी छ, जसले हाम्रो शरीरमा पानीबाट लाग्ने रोगहरु लाग्न नदिने तथा शरीरमा भएका बिकारहरुलाई हटाएर बिभिन्न रोग लाग्नबाट बचाई राख्छ ।

त्यसैगरि साईली औला जसले पृथ्वीतत्वको प्रतिनिधित्व गरेको हुन्छ । जहाँ हामीले लगाउने औँठीले हाम्रो शरीरको तौललाई सन्तुलन गर्ने काम गर्दछ । धैरै दुव्लो मानिस वा धेरै मोटो मानिसले साईली औंलामा औँठी लगाउँदा आफ्नो तौल सन्तुलनमा आउँछ तथा मानिस धेरै सक्रिय पनि हुन्छ । अलि अल्छी मानिस छ भने यस औंलामा औँठी लगाउदा एक हप्तामा नै मानिसमा जोशजाँगर बढेर जान्छ ।

त्यसैगरी माईली औलाले आकाश तत्वको प्रतिनिधित्व गरेको हुन्छ । यो औलामा औँठी लगायो भने हाम्रो नसा भित्रको स्पेस जहाँबाट रगतको प्रवाह हुन्छ, त्यसमा असन्तुलन भएको छ वा नसाभित्र बोसो जमेर रगतको प्रवाह राम्रोसँग भईरहेको छैन भने वा रक्तसंचारसँग सम्वन्धित बिकारहरुलाई हटाउने काम गर्दछ ।

जस्तै नसाभित्र बोसो जमेर रगतकाे स्वतन्त्र प्रवाह नहुँदा कोलस्ट्रोल बढ्ने, ब्रेन ह्याम्ब्रेज हुने, हटएटेक, यूरिक एसिड, बाथरोग हुने आदि समस्याहरु हुन्छन् ।  जुन माईली औंलामा लगाईने औँठीले हल गर्दछ । किनकी हामीले लगाउने औँठीले नसा भित्रको स्पेसलाई बढाई रगत प्रवाह राम्रोसँग भईदिन्छ, जसले गर्दा हाम्रो शरीरमा बिभिन्न रोगहरु लाग्दैनन् ।

त्यस्तै जेठी औंलाले वायू तत्वको प्रतिनिधित्व गरेको हुन्छ । हाम्रो शरीरमा वायू सन्तुलन हुनु अत्यन्तै जरुरी छ । जेठी औंलामा लगाउने औँठीले हाम्रो शरीरमा वायू तथा पेटसँग सम्वन्धित रोगहरु लाग्न दिदैन । पेट ठिक भयो भने सबै शरीरका अंगहरु स्वतन्त्र रुपमा स्वचालित हुन्छन् । भनिन्छ, रोगहरुको जननी नै पेट हो । त्यसैले हाम्रो पेट ठिक छ भने रोगहरुले आक्रमण गर्न सक्दैन । त्यसैले शरीरमा ग्यास जम्ने, झस्का पस्ने आदि बिभिन्न रोगहरुसँग लड्ने क्षमता यो औंलामा लगाउने औँठीले दिईरहेको हुन्छ ।

त्यस्तै बुढी औंलाले अग्नी तत्वको प्रतिनिधित्व गरेको हुन्छ । शरीरमा चाहिने तापक्रम सन्तुलन गर्न यो औंलामा औँठी लगाईन्छ । हाम्रो शरीर एकदम चिसो छ वा तात्दैन भने यो औलामा औँठी लगायो भने शरीरको तापक्रम सन्तुलन हुन्छ अथवा यो औलामा औँठी नलगाई श्रम गरेर पनि शरीरमा तापक्रमको सन्तुलन गर्न सकिन्छ ।