युनाइटेड इन्स्योरेन्सको मुनाफा ३५ प्रतिशतले बढ्यो

२८ माघ, काठमाडौं । चालू आर्थिक वर्षको दोस्रो त्रैमाससम्म युनाइटेड इन्स्योरेन्स कम्पनी (नेपाल) लिमिटेडले २ करोड ७४ मुनाफा गरेको छ । गत वर्ष यसै अवधिसम्म कम्पनीले २ करोड २ लाख मुनाफा गरेको थियो ।

अधिलो वर्षको तुलनामा यस वर्ष कम्पनीको मुनाफा ३५ प्रतिशत बढी हो । यस वर्ष इन्स्योरेन्सले कुल ५७ करोड ६८ लाख कुल बीमाशुल्क आर्जन गरेको छ ।

हाल कम्पनीको चुक्तापूँजी  १ अर्ब २ करोड ८१ लाख रहेको छ भने जगेडा कोष रकम  ९ करोड ८१ लाख रहेको छ । कम्पनीको चुक्तापूँजीमा कुनै परिवर्तन भएको छैन् भने जगेडा कोष रकम ४ दशमलव ९४ प्रतिशत कम भएको हो ।

कम्पनीको प्रतिशेयर आम्दानी २ दशमलव ६७ र प्रतिशेयर नेटवर्थ १४१ दशमलव ७७ रहेको छ ।