नेपाल लाईफकाे सीईओमा प्रसाईं नियुक्त

२८ माघ, काठमाडौं । नेपाल लाइफ इन्स्योरेन्स कम्पनी लिमिटेडको प्रमुख कार्यकारी अधिकृतमा सन्तोष प्रसाईं नियुक्त भएका छन् ।

हिजो बसेको कम्पनी संचालक समितिको ३१५ औं बैठकबाट कम्पनीका कार्यवाहक प्रमुख कार्यकारी अधिकृत प्रसाईं सीईओ नियुक्त गरेकाे हाे । बैंठकले प्रसाईलाई प्रमुख कार्यकारी अधिकृत पदमा नियुक्त गरि सोको स्वीकृतिको लागि बीमा समितिमा पठाउने निर्णय गरेको छ ।

विगत साढे ३ वर्षदेखि नेपाल लाइफसँग आवद्ध रहेका प्रसाईले गत साउन १ गतेदेखि कामु सीईओको जिम्मेवारी सम्हालेका थिए । उनले त्यसअघि बीमा क्षेत्रको नियमनकारी निकाय बीमा समितिमा ७ वर्ष लामो अनुभव संगालेका छन् । उनी चार्टर्ड एकाउण्टेन हुन् ।