आईपीओ निष्कासनको तयारीमा रहेको ज्योति लाइफ इन्स्योरेन्सको कस्तो छ वित्तीय अवस्था ?

६ माघ, काठमाडौं । आर्थिक वर्षको दोस्रो त्रैमासम्ममा ज्योति लाइफ इन्स्योरेन्स कम्पनीले मुनाफा बढेको बढाउन सफल भएको छ । कम्पनीले १० करोड ७८ लाखभन्दा बढी मुनाफा गरेको छ । अधिल्लो वर्ष ६ करोड ८९ लाख मुनाफा गरेको थियो ।

हाल कम्पनीको चुक्तापूँजी अर्व ५४ करोड रहेको छ ।  कम्पनीको मुनाफा गत आवको दोस्रो त्रैमासको तुनलामा चालू आवको सोही अवधिमा ५६ प्रतिशत वृद्धि भएको छ ।

कम्पनीको आम्दानी चालू आवको दोस्रो त्रैमासमा ५४ प्रतिशतले वृद्धि भएकाले नाफामा वृद्धि भएको हो । सोही अवधिमा कम्पनीले  १ अर्ब ४४ करोड ५४ लाख बीमाशुल्क आर्जन गरेको छ ।

चुक्तापूँजी  १ अर्ब ५४ करोड रहेको कम्पनीले जगेडा कोषमा  ४८ करोड २४ लाखभन्दा बढी सञ्चित गरेको छ । चालू आवको दोस्रो त्रैमासमा कम्पनीको जीवन बीमा कोषमा  २ अर्ब ९१ करोड ७९ लाख जम्मा भएको छ । सोही अवधिमा कम्पनीको प्रतिशेयर आम्दानी  १४ र प्रतिशेयर नेटवर्थ  १३४ दशमलव ८१ रहेको छ ।

इफ इन्स्योरेन्सको कम्पनीले ६६ लाख कित्ता आईपीओ निष्कासन गर्ने भएको छ ।

कम्पनीले आईपीओ निष्कासन गर्नका बोर्डमा निवेदन दिएको छ । बोर्डबाट स्वीकृती पाएसँगै कम्पनीले ६६ लाख कित्ता आईपीओ निष्कासन गर्नेछ । आईपीओ निष्कासन पछि पूँजी २ अर्ब २० करोड पुग्नेछ ।