डा.भट्टराई अस्पताल भर्ना

११ फागुन, काठमाडौं । स्वास्थ्यमा समस्या देखिएपछि उपचारका लागि भारतको नयाँदिल्ली गएका पूर्वप्रधानमन्त्री तथा जनता समाजवादी पार्टी (जसपा)का संघीय परिषद अध्यक्ष डा. बाबुराम भट्टराई अस्पताल भर्ना भएका छन् ।

डा भट्टराई स्वास्थ्य उपचार गर्न गत आइतबार दिल्ली गएका थिए । उनी आज बिहान ९ बजे दिल्लीको यकृत एवम् पित्त विज्ञान संस्थान (आईएलबीएस) अस्पतालमा भर्ना भएका हुन् ।

यसअघि काठमाडौंमै परीक्षण तथा उपचार गराउँदै आएका भट्टराई ट्युमर भएको आशंकामा उपचारका लागि दिल्ली गएका हुन् । डा भट्टराई लामो समयदेखि पेट सम्बन्धी समस्याबाट पीडित रहेको बताएको छ ।