स्थानिय बजारमा सुनको मूल्य उकालो

११ फागुन, काठमाडौं । स्थानिय बजारमा सुनको मूल्य उकालो लागेको छ । सोमबार स्थिर रहेको सुनको मूल्य आज तोलामा एक हजार १ सयले उकालो लागेकाे हाे ।

नेपाल सुनचाँदी व्यवसायी महासंघका अनुसार सोमबार रु ८९ हजारमा कारोवार भएको छापावाला सुन आज भने तोलामा रु ९० हजार १०० मा कारोवार हुने गरी मूल्य निर्धारण भएको छ ।

यस्तै तेजाबी सुन सोमबार तोलामा रु ८८ हजार ५५० मा कारोवार भएकामा आजका लागि भने रु ८९ हजार ६५० मा कारोवार भएको छ । तेजाबी सुनसमेत तोलामा रु एक हजार १०० ले उकालो लागेको हो ।

चाँदीको मूल्यमा समेत आज रु २५ ले वृद्धि भएको छ । तोलामा रु एक हजार ३३५ मा सोमबार कारोवार भएको चाँदी आज भने रु एक हजार ३६० मूल्य कायम भएको छ ।