लय देखिएनन् म्याक्सेवल, दोस्रो खेलमा पनि सस्तैमा आउट
नेपालबहस संवाददाता
फागुन १३, २०७७ बिहिबार १८:२१:५२
१३ फागुन, काठमाडौं । न्यूजिल्याण्डसँगको टी-२० सिरिजको दोस्रो खेलमा पनि अष्ट्रेलिया टीमको आक्रामक ब्याट्सम्यान ग्लेन म्याक्सेवल सस्तैमा आउट भएका छन् । अघिल्लो खेलमा १ रनमै पवेलिएन फर्किएका उनी आज तीन रन बनाएर आउट भएका हुन् ।
मिचेल सान्टनरको बलरमा इश सोढीले उत्कृष्ट क्याच गर्दा आज पनि म्याक्सेवलको उत्कृष्ट पारी खेल्ने धोको पूरा हुन सकेन ।
न्यूजिल्याण्डले दिएको २ सय २० रनको लक्ष्य पछ्याइरहेको अष्ट्रेलियाले यो समाचार तयार पार्दा १३ ओभरमा ६ विकेट गुमाएर १ सय १३ रन बनाएको छ ।
त्यसअघि, टस हारेर ब्याटिङको मौका पाएको न्यूजिल्याण्डले निर्धारित २० ओभरमा ७ विकेट गुमाएर २ सय १९ रन बनायो ।
उसका लागि ओपनर मार्टिन गुप्टिलले आक्रामक पारी खेले । उनले ५० बलमा आठ छक्का र छ चौकाको मद्दतमा ९७ रन बनाए । उनी छक्का हिर्काउने धुनमा क्याच आउट भएका हुन् ।
आज पनि सस्तैमा पहिलो विकेट गुमाएको न्यूजिल्याण्डको पारीलाई गुप्टिल र कप्तान केन विलियम्सनले सम्हाले ।
दोस्रो विकेटका लागि यो जोडीबीच १ सय ३१ रनको विशाल साझेदारी बन्यो । कप्तान विलियम्सनले ३५ बलमा तीन छक्का र दुई चौकासहित ५३ रन बनाए ।
त्यस्तै, जिमी नीशमले पनि आज आक्रामक ब्याटिङ गरे । उनले १६ बलमा ६ छक्का र १ चौकासहित नटआउट ४६ रनको उत्कृष्ट पारी खेले ।
ग्लेन फिलिप्स आठ, टिम साउदी ६, टिम सेफर्ट तीन र डेभन कोनवे भने दुई रनमै आउट भए ।
बलिङमा केन रिचडर्सनले तीन, एडम जम्पा, झय रिचडर्सन र डानियल साम्सले एकरएक विकेट लिए ।
पाँच खेलको सिरिजमा न्यूजिल्याण्डले १(० को अग्रता बनाएको छ । पहिलो खेलमा न्यूजिल्याण्ड ५३ रनले विजयी भएको थियो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपन्यूजील्याण्ड श्रीलंकाविरुद्धको दोस्रो टेस्टमा फलोअनमा
असोज १२, २०८१ शनिबार
आईपीएल टिम कोलकोताको मेन्टर बने ब्राभो
असोज ११, २०८१ शुक्रबार
नेपालले क्यानडा र ओमानसँग त्रिकोणात्मक टी-२० सिरिज खेल्ने
असोज ११, २०८१ शुक्रबार
द्वन्द्वकालीन गम्भीर अपराधका घटनामा आममाफी दिइने छैन : प्रधानमन्त्री ओली
असोज १२, २०८१ शनिबार
शनिबार २ बजेसम्ममा देशभर ५० जनाको मृत्यु: १०५३ जनाको उद्धार, १२४४ घर डुबे
असोज १२, २०८१ शनिबार
क्यानडाविरुद्ध नेपालले टस जित्यो
असोज १२, २०८१ शनिबार
विपद् अपडेट : देशभर बाढी, पहिरो र डुबानबाट ८७ जनाको मृत्यु, ७२ बेपत्ता
असोज १२, २०८१ शनिबार
आपत्कालीन उपचारका लागि चौबिसै घण्टा तयार रहन स्वास्थ्यमन्त्री पौडेलको निर्देशन
असोज १२, २०८१ शनिबार
झ्याप्ले खोलामा पहिरोले पुरिएका २ सवारी साधनबाट १४ शव निकायो
असोज १२, २०८१ शनिबार
काठमाडौं उपत्यकामा वर्षाको ‘रेकर्ड ब्रेक’
असोज १२, २०८१ शनिबार