आफ्नै नाबालक छोरोको हत्या गरेको आरोपमा बुवा पक्राउ

१८ फागुन, बैतडी । बैतडी प्रहरीले आफ्नै नाबालक छोरोको हत्या गरेको आरोपमा एक जनालाई पक्राउ गरेको छ । तीन महिनाको नाबालक छोरा लक्ष्मण चन्दको हत्या गरेको अभियोगमा पञ्चेश्वर गाउँपालिका-५ खनाडी बस्ने ४० वर्षीय राजबहादुर चन्दलाई प्रहरीले आज पक्राउ गरेको हो ।

राजबहादुरले नाबालक छोरालाई लछार पछार गरी कुटपिट गर्दा बालकको घटनास्थलमै मृत्यु भएको प्रहरीले जनाएको छ । राजबहादुरले आफ्नो ७० वर्षीय बुबा मन्धिर चन्दलाई समेत कुटपिट गरेका छन् ।

छोराको कुटाइबाट घाइते भएका बुबा मन्धिरको स्थानीय मेडिकलमा उपचार भइरहेको र राजबहादुरलाई पक्राउ गरी घटनाबार आवश्यक अनुसन्धान भइरहेको प्रहरीले जनाएको छ ।