दुवई पुग्यो चलचित्र सम्हालिन्छ कहिले मनको युनिट

२५ फागुन काठमाडौं । चलचित्र ‘सम्हालिन्छ कहिले मन’को टिम सुटिङका लागि दुवई पुगेको छ । दुई वर्ष अगाडि बेलायतमा ४५ दिन, मुस्ताङ र काठमाडौंमा समेत खिचिएको फिल्मको केही बाँकी छायाँकन सकाउन निर्माण युनिट दुवई पुगेको हो ।

निर्देशक सुदर्शन थापा, अभिनेत्री पूजा शर्मा र अभिनेता आकाश श्रेष्ठलगायतको युनिट दुवई पुगेका हुन् । आठ दिनको सेड्युल सहित दुवई उडेको टिमले त्यहाँ फिल्मको एक गीत र केही दृश्य खिच्ने जनाएको छ ।

फिल्ममा पूजा र आकाशको अलवा सोनम तोप्देन, गौरी मल्ल, सरोज खनाल, धिरेन शाक्य लगायतका कलाकारको अभिनय रहने फिल्म एबी इन्टरनेशलको ब्यानरमा निर्माण भएको हो ।