तेस्रो राष्ट्रिय घरवास कार्यशाला आजदेखि शुरु
नेपालबहस संवाददाता
फागुन २८, २०७७ शुक्रबार १६:१८:२४
२८ फागुन, सुर्खेत । ‘प्रकृति, संस्कृति र पर्यटन नेपालको पहिचान, समृद्ध मुलुक निर्माण होमस्टेको अभियान’ भन्ने नाराका साथ आजदेखि शुरु हुने तेस्रो राष्ट्रिय कार्यशाला गोष्ठीका लागि मुलुकभरका होमस्टे (घरबास) सञ्चालकहरू सुर्खेतमा भेला भएका छन् । कोभिड–१९ पछिको ग्रामीण पर्यटन र घरबासको अवस्थाबारे समीक्षा गर्ने उद्देश्यले वीरेन्द्रनगरको थारू घरबासमा शुरु हुने गोष्ठी तीन दिनसम्म चल्नेछ । कार्यशालामा सहभागी हुन देशभरबाट २०० बढी घरबास सञ्चालक यहाँ आइपुगेका छन् ।
होमस्टे एशोसिएशन नेपाल कर्णाली प्रदेशका अध्यक्ष कृष्णबहादुर थापाले कार्यशालाको पहिलो दिन आज सुर्खेतका घरबास र पर्यटकीय क्षेत्रको अवलोकन गर्ने कार्यक्रम रहेको बताए । उनका अनुसार शनिबार संस्कृति, पर्यटन तथा नागरिक उडड्यनमन्त्री भानुभक्त ढकालद्वारा गोष्ठीको उद्घाटन, कार्यपत्र प्रस्तुतीकरण तथा छलफल, आइतबार एशोसिएशनको केन्द्रीय कमिटीको बैठक र गोष्ठीको निचोडबारे पत्रकार सम्मेलनको कार्यक्रम छ ।
गोष्ठीमा होमस्टे एशोसिएसनका तर्फबाट पशुपति न्यौपानेले घरबासको अवसर तथा चुनौती, रामचन्द्र सेढाईँले कर्णाली प्रदेशमा घरबास, दीपकराज जोशीले कोभिडपछिको घरबासमा स्वच्छता, डा आलोक प्रसाईँले नेपालमा घरबासको नीतिगत अवस्था र राजेन्द्रप्रसाद त्रिपाठीले घरबास तालिम, विकास तथा बजारीकरणका विषयमा कार्यपत्र प्रस्तुत गर्नेछन् । कार्यपत्रमाथि घरबास सञ्चालकका साथै तारा गाउँ विकास समिति, नेपाल पर्यटन बोर्डलगायत सङ्घसंस्थाका प्रतिनिधिले टिप्पणी गर्नेछन् ।
घरबाससम्बन्धी नीति निर्माणका साथै प्रदेशस्तरीय कार्यविधि निर्माणका लागि पहल गर्ने, अन्तर्राष्ट्रिय पर्यटन बजारमा नेपालको घरबासलाई परिचित गराउने, घरबास दर्ता, सञ्चालन एवं निरीक्षण गर्ने कार्यलाई समयसापेक्ष विकास गर्न र कोभिड–१९ पछिको पर्यटन क्षेत्रमा देखिएका समस्यालाई समाधान गर्ने उद्देश्यले कार्यशाला आयोजना गरिएको बताइएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपहुम्लाका तीन बस्ती अन्धकारमा बस्न बाध्य
जेठ १, २०८१ मंगलबार
कर्णालीमा जबरजस्ती करणीका मुद्दा धेरै
बैशाख ३१, २०८१ सोमबार
कर्णालीका मुख्यमन्त्रीले बोलाए सर्वदलीय बैठक
बैशाख २९, २०८१ शनिबार
अवनतिको बाटो फेर्न लागेको राजनीति र सुरक्षा चासो
सुबोधकुमार अधिकारी
जेठ ४, २०८१ शुक्रबार
क्रिकेटर सन्दीप लामिछानेको मुद्दा हेर्दाहेर्दैमा
नेपालबहस संवाददाता
जेठ १, २०८१ मंगलबार
अवनतिको बाटो फेर्न लागेको राजनीति र सुरक्षा चासो
जेठ ४, २०८१ शुक्रबार
सुनको मूल्यमा गिरावट, तोलाको कति ?
जेठ ४, २०८१ शुक्रबार
विद्यार्थी मृत फेला परेपछि आक्रोशित भिडद्वारा स्कुलमा आगलागी
जेठ ४, २०८१ शुक्रबार
प्रधानमन्त्री र मन्त्रीहरूको सम्पत्ति विवरण सार्वजनिक हुने
जेठ ४, २०८१ शुक्रबार
मालिक रिसाउनुमा यी ग्रहको भूमिका, जान्नुहोस् हाकिमको स्वभाव
जेठ ४, २०८१ शुक्रबार
कोशीका मुख्यमन्त्री कार्कीले विस्तार गरे मन्त्रिपरिषद, सबैले लिए शपथ
जेठ ४, २०८१ शुक्रबार
आजदेखि संसद भवन वरिपरीका पेटीबाट हिँड्न नपाइने
जेठ ४, २०८१ शुक्रबार
भलिबल खेलाडीलाई सेनाको सहयोग
जेठ ४, २०८१ शुक्रबार
उच्च रक्तचाप नियन्त्रणमा राख्नसके दीर्घकालीन असरबाट बच्न सकिन्छ
जेठ ४, २०८१ शुक्रबार