एक सातामा सुनको भाउ तोलामा एक सय महँगियाे

२८ फागुन, काठमाडौं । एक सातामा सुनको भाउ तोलामा एक सय रुपैयाँ महँगिएको छ । दैनिक ६ सय रुपैयाँ घटबढ चलिरहेको सुनको भाउ शुक्रबार पनि तोलामा ६ सय रुपैयाँले घटेको छ ।

दैनिक ६०० रुपैयाँको अन्तरमा घटबढ भए पनि समग्रमा सुन एक सय रुपैयाँले महँगिएको हो । आइतबार सुन प्रति तोला ८६ हजार १ सय रुपैयाँमा कारोबार भएको थियो ।

दोस्रो दिन सोमबार एक सय रुपैयाँले बढेर ८६ हजार २ सय रुपैयाँ पुग्यो । तर मंगलबार सुन ६ सय रुपैयाँले घट्यो । त्यसपछि लगातार ६ रुपैयाँको अन्तरले उतारचढाव सामना गर्नुपर्‍यो । नेपाल सुनचाँदी व्यवसायी महासंघका अनुसार शुक्रबार सुन तोलामा ८६ हजार दुई सय रुपैयाँ कायम भएको छ ।

त्यस्तै चाँदी साताभरमा २० रुपैयाँ महँगिएको छ । महासंघका अनुसार चाँदी एक हजार २ सय ७० रुपैयाँ प्रति तोलामा कारोबार भइरहेको छ । बिहीबार चाँदी एक हजार २ सय ८५ रुपैयाँ कायम भएको थियो ।