अधिकारीका परिवारले पाए मृत्यु दाबी भुक्तानी बापत ५९ लाख

१२ चैत, काठमाडौं । बनेपा शाखाले एशियन लाईफ इन्स्योरेन्सको तर्फबाट स्व. राजुकुमार अधिकारीको परिवारलाई मृत्यु दाबी वापत आज रुपैयाँ ५९ लाख २० हजार भुक्तानी गरेको छ ।

कम्पनीको सहायक महाप्रबन्धक लोकराज जोशीले कम्पनीको तर्फबाट बीमितको श्रीमति इन्दिरा पुडासैनीलाई बनेपा शाखा कार्यालयमा दाबी रकम बराबरको चेक हस्तान्तरण गरेका हुन् । स्व. अधिकारीले २०७५।०६।२१ मा रुपैयाँ ५० लाखको अग्रिम भुक्तानी सावधिक जीवन बीमा गराएका थिए । मिति २०७७।०७।१८ गते निधन भएको बीमितले बीमाशुल्कवापत ३ वर्षको अवधिमा कम्पनीलाई रुपैयाँ १३ लाख ४२ हजार रुपैयाँ भुक्तानी गरेका थिए ।