चलचित्र ‘प्रेमगञ्ज’ को मुख्य भूमिकामा बेनिशा

काठमाडौं । अभिनेत्री बेनिशा हमाल चलचित्र ‘प्रेमगञ्ज’ को मुख्य भूमिकामा देखिने भएकी छिन् । चलचित्र निर्माण युनिटले उनलाई मुख्य अभिनेत्रीको रुपमा हालै मात्र अनुबन्धित गरेको हो ।

बेनिशा संगै चलचित्रमा तेज गिरी देखिने भएका छन् । तेजले यही फिल्मबाट अभिनेताको रुपमा डेब्यु गर्न लागेका हुन् । त्रिकोणात्मक प्रेम कथामा बन्न लागेको चलचित्रको यहि २५ गतेबाट छायाँकन सुरु हुने भएको छ ।

स्पटब्वाई राजु फुयाँलले निर्माण गर्ने फिल्मको कार्यकारी निर्मातामा अनन्तमान श्रेष्ठ छन् । चलचित्र चौतारीको ब्यानरमा निर्माण हुन लागेको फिल्मको काभ्रे, जिरी र काठमाडौंमा छायाँकन हुने बताइएको छ ।