चुरीफुरीको फस्टलुक सार्वजनिकसंगै प्रदर्शन मिति तय

नेपाली चलचित्र ‘चुरीफुरी’को फस्टलुक सार्वजनिकसंगै प्रदर्शन मिति तय भएको छ । चलचित्र आउँदो बर्षको असोज १ गतेबाट रिलिज हुने छ ।

ऋषिराज आचार्यको निर्देशनमा बनेको चलचित्रको फस्टलुकमा डेब्यू कलाकार अभिषेक श्रेष्ठको साथमा पूजा पन्त, सोना बज्राचार्य, रिन्जिन गुरुङ, रविन्द्र झा, शिशिर भण्डारी, दीपक आचार्य, सुवोध गौतम, पवन खतिवडा, सुरविर पण्डित देखिएका छन् ।

आरबी मुभिजको ब्यानरमा रिना ढकाल र निर्देशक आचार्यको लगानी रहेको चलचित्रलाई राहुल राइले छायांकन गरेका हुन् । बिमला भुसाल, राजेन्द्र खाती र शिब थापा सह–निर्माता रहेको यो चलचित्रमा दीपक शर्माको संगीत, समीर आचार्य, बिश्व नेपाली र बेनीशा पौडेललको स्वर छ ।

भिमफेदी ग्रुपले कोरियोग्राफी गरेको चलचित्रमा बिजय आचार्यको कला निर्देशन तथा नवीन निरौलाको सम्पादन र कलर ग्रेडिङ छ । चलचित्रले मनोरञ्जनका साथै सन्देश पनि दिने निर्देशक आचार्यले बताए । चलचित्र सामाजिक बिषयमा कमेडी शैलीमा तयार भएको निमार्ण पक्षले जनाएको छ ।