बर्दियामा हात्तीको आक्रमणबाट एक महिलाको मृत्यु

२९ चैत, बर्दिया । बर्दियामा हात्तीको आक्रमणबाट बाख्रा चराउन गएकी एक महिलाको मृत्यु भएको छ। आइतबार दिउँसो १ बजे गेरूवा गाउँपालिका-१ भटेरा बस्ने ६० वर्षीया भुन्टी बोहरा बगुवा सामुदायिक जंगलमा बाख्रा चराउन गएका बेला उनलाई जंगली हात्तीले आक्रमण गरेको हो ।

जिल्ला प्रहरी कार्यालय बर्दियाका अनुसार हात्तीको आक्रमणबाट बोहराको मृत्यु भएको भन्ने खबर प्रहरीले ३ बजे पाएपछि इलाका प्रहरी कार्यालय पाताभार बर्दियाबाट प्रहरी निरीक्षकको कमाण्डमा खटिएको टोलीले भुन्टीको शवलाई सुरक्षित स्थानमा ल्याएको छ ।

केही दिनअघि बर्दियामा बाघले आक्रमण गरी मानिसको ज्यान लिएको थियो। यो वर्षमात्रै बाघको आक्रमणबाट बर्दियामा १० जनाको मृत्यु भएको छ।