चलचित्र बनाउदै शम्भुजित, नायकमा पुष्पलाई अफर

काठमाडौं । चलचित्र ‘चौका दाउ’ निर्माण गरेका संगीतकार शम्भुजित बाँस्कोटा नयाँ चलचित्र निर्माणमा जुटेका छन् । उनले निर्माण गर्न लागेको चलचित्रका लागि नायक पुष्प खड्कालाई अफर गरिएको छ ।

शम्भुजितकै कथा रहेको चलचित्रको छायांकन असारबाट सुरु हुँदै छ । नायक पुष्प खड्का चलचित्र ‘कृष्ण लीला र तिम्रो मेरो साथ’को छायांकन सकेर बसेका छन् । अहिले चलचित्र क्षेत्रमा उनको निकै राम्रो माग रहेको छ ।

चलचित्रका लागि नायिका फाइनल गरिएको छैन । चलचित्रको कथावस्तुले सोलुखुम्बुका बासिन्दा र त्यहाँको परिवेशको कथा भन्ने वुझिएको छ ।