प्युठानकाे स्वर्गद्वारी नजिकै जिप दुर्घटना, २ जनाको मृत्यु

१ वैशाख, प्युठान । प्युठानमा जिप दुर्घटना हुँदा घटनास्थलमै २ जनाको मृत्यु भएको छ । गुल्मीबाट जिल्लाको स्वर्गद्वारी दर्शनका लागि जाँदै गरेकाहरु सवार जिप दुर्घटना हुँदा दुई जनाको मृत्यु भएको छ । मृतकको सनाखत भइसकेको छैन ।

लु१ज १६५५ नं।को जिप बुधबार बिहान प्युठानको रुमाले भन्ने स्थान नजिकै दुर्घटना भएको जिल्ला प्रहरी कार्यालय प्युठानले जनाएको छ ।
जीपमा सवार १२ जनालाई उद्धार गरी प्राथमिक स्वास्थ्य केन्द्र भिङ्ग्रीमा पठाइएको छ ।

दुर्घटनास्थल स्वर्गद्वारी नजिकै पर्दछ । त्यहाँ भिङ्ग्रीको प्रहरी टोली उद्धारमा खटिएको छ । दुर्घटनाबारे थप विवरण आउन बाँकी छ ।