प्रादेशिक अस्पताललाई कोरियाली संस्थाको सहयोग
![नेपालबहस संवाददाता](
https://nepalbahas.prixacdn.net/media/albums/NB_q7JcPhruJc.jpeg
)
नेपालबहस संवाददाता
बैशाख ३, २०७८ शुक्रबार १७:३०:४०
![](https://nepalbahas.prixacdn.net/media/albums/mathinkot-hospital_XTchWMbexv.jpg)
३ वैशाख,काभ्रेपलाञ्चोक । नमोबुद्ध नगरपालिका–४ भकुण्डेबेँसीस्थित मेथिनकोट प्रादेशिक अस्पताललाई कोरियाली संस्थाबाट प्राप्त मेडिकल सामग्री हस्तान्तरण गरिएको छ । कोरिया अन्तर्राष्ट्रिय सहयोग नियोग कोइका र कोइका अलुम्नाइ एशोसिएशन (कान)ले अस्पताललाई अत्यावश्यक २९ थान मेडिकल सामग्री बिहीबार हस्तान्तरण गरेका हुन् ।
कार्यक्रममा कोइकाका कन्ट्री डाइरेक्टर सङ हुन–को र कोइका अलुम्नाइका अध्यक्ष विनोद बिडारीले संयुक्तरूपमा काभ्रेपलाञ्चोकको नमोबुद्ध–४ का वडाध्यक्ष एवं मेथिनकोट अस्पतालका अध्यक्ष उद्धवप्रसाद काफ्लेलाई मेडिकल सामग्री हस्तान्तरण गरेका थिए । अस्पताललाई पेसेन्ट मोनिटर दुई, अक्सिजन कन्सनट्रेटर दुई, कार्डियोग्राफी सिटिजी मेसिन एक, बिआइपी–एपी मेसिन एक, पल्स अक्सिमिटर पाँच, डिजिटल बिपी मेसिन छ, इमर्जेन्सी शय्या तीन, अक्सिजन रेगुलेटर पाँच, इमर्जेन्सी मेडिकल कार्ट एक र इमर्जेन्सी शय्या म्याट्रेस तीन थान सहयोग गरिएको हो ।
कार्यक्रममा नमोबुद्ध नगरपालिकाका प्रमुख टिपी शर्मा तिमल्सिनाले सामान्य अवस्थामा शुरु भएको मेथिनकोट अस्पताललाई प्रादेशिक अस्पताल बनाइएको तर आवश्यक पूर्वाधार, जनशक्ति र मेडिकल सामग्री अभावका कारण प्रभावकारी सेवा प्रदान गर्न समस्या परेको बताउँदै अस्पताललाई आवश्यक मेडिकल सामग्री प्रदान गरेकोमा कोइका र कोइका अलुम्नाइ एशोसिएशनलाई धन्यवाद दिए ।
सो अवसरमा नेपालका लागि दक्षिण कोरियाली राजदूत पार्क योङ–सीकले मेथिनकोट प्रादेशिक अस्पतालले कोभिड–१९ को महामारीको समयमा पु¥याएको योगदानबारे प्रशंसा गर्दै अस्तपाललाई थप आवश्यक सहयोग गर्ने प्रतिबद्धता व्यक्त गरे । उनले भने, “पुनः कोभिडको सामना गर्नुपरेको छ, विगतझैँ अस्पतालले सेवा दिइरहोस्, थप आवश्यक सहयोग गर्नेछु ।”
वाग्मती प्रदेश सामाजिक विकास मन्त्रालयका सचिव दीपक काफ्लेले अस्पतालका लागि प्रदेश सरकारले सहकार्य गर्ने जिम्मेवारी लिएको बताउँदै १५ शय्याको अस्पताललाई ५० शय्याको बनाउने निर्णय प्रदेश सरकारले गरेको र पूर्ण क्षमतामा सञ्चालनमा ल्याउनका लागि आवश्यक प्रक्रिया शुरु भइसकेको बताए ।
कोइका अलुम्नाइका अध्यक्ष बिडारीले एशोसिएशन स्थापनाको २० वर्षमा पहिलोपटक ठूलो मात्रामा सामग्री सहयोग गरिएको बताए । उनले भने, “हामीले २० वर्षमा नगरेको काम मेथिनकोट अस्पतालमा गर्न पाएकामा खुशी छौँ, अस्पताललाई थप सुविधासम्पन्न बनाउन राजदूत सुकसँग थप सहयोग माग्नेछौँ ।” विसं २०६६ देखि सञ्चालनमा आएको उक्त अस्पताललाई रु १९ लाख बराबरको मेडिकल सामग्री हस्तान्तरण गरिएको हो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपअपाङ्गता भएकालाई निःशुल्क व्हील चेयर र कमोट चेयर प्रदान
असार १७, २०८१ सोमबार
चन्द्रागिरिले बालबालिकाको नाममा पाँच हजार रकम जम्मा गरिदिने
असार १७, २०८१ सोमबार
जंगली च्याउ खाँदा ३ जनाको मृत्यु, १६ बिरामी
असार ११, २०८१ मंगलबार
रास्वपाले लुकाउन नसकेका पाँच झूट
विनोद त्रिपाठी
असार १९, २०८१ बुधबार
एकीकृत समाजवादीले घोषणा गरेका ९३ जना केन्द्रीय सदस्यभित्र अटाएनन् प्रेम आले
नेपालबहस संवाददाता
असार २१, २०८१ शुक्रबार
भान्छा कोठामा पसेको बिषालु गोमन सर्प
नेपालबहस संवाददाता
असार २१, २०८१ शुक्रबार
एकीकृत समाजवादीले घोषणा गरेका ९३ जना केन्द्रीय सदस्यभित्र अटाएनन् प्रेम आले
असार २१, २०८१ शुक्रबार
भान्छा कोठामा पसेको बिषालु गोमन सर्प
असार २१, २०८१ शुक्रबार
युरोकपको क्वाटरफाइनलमा आज राती पोर्चुगल र फ्रान्स भिड्दै
असार २१, २०८१ शुक्रबार
अब बन्ने सरकारलाई असफल हुने छुट छैन : अध्यक्ष ओली
असार २१, २०८१ शुक्रबार
बेलायती निर्वाचन : सुनकमा राजनीतिक स्पर्शको अभाव
असार २१, २०८१ शुक्रबार
दार्चुलामा बिहिबारदेखि निरन्तर वर्षा, बाढीपहिरोबाट १६ परिवार बिस्थापित
असार २१, २०८१ शुक्रबार
काठमाडौं प्रहरीको आधुनिक नयाँ भवन बन्यो, अब भद्रकालीबाट सेवा प्रदान गर्ने
असार २१, २०८१ शुक्रबार
राष्ट्रिय राजनीतिमा एकीकृत समाजवादीको भूमिका महत्वपूर्ण रहन्छ : अध्यक्ष नेपाल
असार २१, २०८१ शुक्रबार
सहज वातावरण नबनेको भन्दै पत्रकार महासंघको निर्वाचन पुनः स्थगित
असार २१, २०८१ शुक्रबार