नक्कली नोट सहित ग्वार्कोबाट एक पक्राउ

१२ बैशाख,काठमाडौं । प्रहरीले ललितपुरबाट नक्कली नेपाली रुपैयाँ सहित एक जनालाई पक्राउ गरेको छ । पक्राउ पर्नेमा हुम्ला सार्केटार गाउँपालिका–७ जैर घर भएका १९ वर्षीय मुन बहादुर रावत रहेका छन् ।

ललितपुरको महालक्ष्मी नगरपालिका–१ स्थित ग्वार्कोबाट पक्राउ परेका उनको साथबाट प्रहरीले १ हजार दरका ५ थान नक्कली नेपाली रुपैयाँ बरामद गरेको छ । उनले नक्कली नोट कहाँबाट ल्याए भन्नेबारे अनुसन्धान भइरहेको महानगरीय प्रहरी परिसर ललितपुरले जनाएको छ ।

रावत बिरुद्ध प्रहरीले मुद्रा सम्बन्धी कसुरमा अदालतबाट म्याद लिएर अनुसन्धान गरिरहेको छ ।