स्थानीय खोलाबाट ल्याएको माछा खाएपछि एकै घरका दिदीबहिनीको मृत्यु

१३ बैशाख, काठमाडौं । स्थानीय खोलाबाट ल्याएको माछा पकाएर खाएपछि झाडापखाला कारण एकै घरका दिदीबहिनीको मृत्यु भएको छ । माछा खाएसँगै उनिहरुलाई  झाडापखाला लागेको थियो ।  राजपुर गाउँपालिका-६ का प्रेम बुढाका ११ वर्षीया रीता बुढा र १३ वर्षीया विनिता बुढाको निधन भएको हो ।

दिदी विनिताको हिजो बिहान २ बजेतिर र बहिनी रीताको बिहान ६ बजेतिर निधन भएको इलाका प्रहरी कार्यालय गढवाका प्रहरी निरीक्षक राजकुमार भट्टले जानकारी दिनुभयो । उपचारका क्रममा निधन भएका उनीहरुको शव परीक्षणका लागि लमही अस्पतालमा राखिएको छ ।