प्रदेश २ को प्रदेशसभा बैठक स्थगित

१४ बैशाख, काठमाडौ । प्रदेश २ को प्रदेशसभा बैठक स्थगित भएको छ । सचिवालयका कर्मचारीमा कोरोना संक्रमण पुष्टि भएपछि आज बस्ने भनिएको बैठक अर्को सूचना नहुन्जेलसम्मका लागि स्थगित गरिएको प्रदेशसभा सचिवालयले एक सूचना मार्फत जानकारी गराएको हो ।

प्रदेशसभा सचिवालयले सूचना जारी गरेर मंगलवार बिहान ११ बजे बस्ने भनिएको प्रदेशसभाको बैठक तीन कर्मचारीमा कोरोना पुष्टि भएपछि बैठक स्थगित सूचनामा उल्लेख छ ।

आज बस्ने भनिएको बैठकमा प्रदेशको नामाकरण विषयमा छलफलको कार्यसूची थियो । तर बैठक स्थगित भएपछि प्रदेशको नामाकरण र स्थायी राजधानी तोक्ने प्रक्रिया लम्बिने देखिएको छ ।