सुपुष्पाले गरिन् प्रेमी रौनकसँग इन्गेज्मेन्ट

काठमाडौं । बुधबार अभिनेत्री सुपुष्पा भट्टले निर्माता रौनकविक्रम कँडेलसँग इन्गेज्मेन्ट गरेकी छिन् । विगत ६ महिनादेखिको प्रेम सम्बन्धलाई दुबैले अहिले विवाहमा परिणत गर्न लागेका हुन् ।

इन्गेज्मेन्ट समारोहमा दुबै तर्फमा नजिकका आफन्त र साथीभाई गरेर सिमित ब्यक्तिको मात्र उपस्थिति रहेको थियो । विवाह कहिले गर्ने त्यसको मिति भने फाइनल भएको छैन् ।

उनीहरुले वैशाख १७ गते इन्गेजमेन्ट गर्ने तयारी गरेको भएपनि काठमाडौंमा भोलीबाट निषेधाज्ञ घोषणा भएका कारण उनीहरुले २ दिन अगाडि नै इन्गेजमेन्ट गरेका हुन् ।

सुपुष्पा ‘रणवीर’ फिल्मबाट रजतपटमा डेब्यू गरेकी हुन् । ‘रणवीर’पछि उनले ‘छ माया छपक्कै’ र ‘चपली हाइट ३’ अभिनय गरेकी थिइन् । फिल्म ‘चपली हाइट ३’ भने प्रदर्शनमा आउँन बाँकी रहेको छ । रौनकले भने ‘कबड्डी कबड्डी’ सहित रामबाबु गुरुङको निर्देशन रहेको केही फिल्म निर्माण गरेका छन् ।