सरकार फेर्न मुश्किल देखिएपछि डा. भट्टराई अस्पताल भर्ना

१६ वैशाख, काठमाडौं । सरकार बदल्ने अभियान तत्काल अगाडि नबढ्ने निश्चित भएपछि पूर्व प्रधानमन्त्री डा. बाबुराम भट्टराई पेटमा रहेको ट्युमर निकाल्न आजै अस्पताल भर्ना भएका छन् ।

गएको महिना उनी स्वास्थ्य परीक्षणका लागि भारत गएका थिए । त्यहाँ उनको पेटमा ट्युमर पलाएको र त्यसलाई छिटै फाल्न चिकित्सकले सल्लाह दिएका थिए ।

एक दुई महिना पछि गर्ने सोच बनाएका डा. भट्टराई पहिला प्रधानमन्त्री केपी ओलीको बहिर्गमनतिर लागेका थिए । तर आफ्नै दलभित्रको किचलोका कारण तत्कालै सो अभियान अगाडि बढ्न नसक्ने निक्र्याेल निकाल्दै उनले तत्कालै उपचार गर्ने निधो गरेका हुन् ।

आजै उनी वीर अस्पताल भर्ना भएका छन् । सम्भवतः भोलि नै उनको पेटको शल्यक्रिया गरिने छ । केही दिनको अस्पताल बसाईपछि घर जानमिल्ने चिकित्सकले बताएका छन् ।