रिलायन्स लाइफको बीमाशुल्कसंगै १३.७६ प्रतिशतले बढ्यो मुनाफा, प्रतिशेयर आम्दानी कति ?

१८ बैशाख, काठमाडौं । रिलायन्स लाइफ इन्स्योरेन्सले चालु आर्थिक वर्षको तेस्रो त्रैमासम्ममा बीमशुल्कसंगै मुनाफा बढेको छ । कम्पनीको बीमाशूल्क १३१ प्रतिशतले बढेपनि नाफामा पनि सुधार भएको हो ।

यस अवधिमा कम्पनीको बीमाशूलक १३१.४३ प्रतिशतले बढेर १ अर्ब ८४ करोड ४९ लाख रुपैयाँ बीमाशूल्क आर्जन गरेको छ । गत आर्थिक वर्षको यसै अवधिमा कम्पनीले ७९ करोड ७१ लाख ९४ हजार रुपैयाँ बीमशुल्क आर्जन गरेको थियो ।

कम्पनीको बीमाशुल्कसंगै मुनाफा पनि १३.७६ प्रतिशतले बढेको छ । गत आर्थिक वर्षको यहि अवधिमा ५ करोड ७९ लाख रुपैयाँ रहेको कम्पनीको मुनाफा ६ करोड ५८ लाख ६६ हजार रुपैयाँ पुगेको छ ।

यस अवधिमा कम्पनीको प्रतिशेयर आम्दानी ४ रुपैयाँ १८ पैसा, प्रतिशेयर नेटवर्थ ११० रुपैयाँ ८८ पैसा र मूल्य आम्दानी अनुपात १७४.०८ गुणा रहेको छ ।

चालु आर्थिक वर्षको चैतसम्ममा कम्पनीले १२ हजार १२० वटा बीमालेख बिक्री गरी १ अर्ब ९० करोड ४० लाख रुपैयाँ कुल बीमाशुल्क संकलन गरेको छ ।

यस अवधिमा कम्पनीले १४२ वटा दाबी वापत २३ करोड ६४ लाख भुक्तानी गरेको छ भने ११ वटा दाबी वापत ७ लाख ८१ हजार रुपैयाँ बराबरको भुक्तानी गर्न बाँकी छ ।