देशका केही ठाउँमा फाट्टफुट्ट र मध्यम वर्षा संभावना  

२१ बैशाख, काठमाण्डौं । आज  काठमाडौ उपत्यका सहित देशका केही स्थानमा हल्का बर्षाको संभावना रहेको मौंसम पूर्वानुमान महाशाखाले जनाएको छ । यस्तै प्रदेश १ र २ का केही स्थानमा  बिहानदेखि पानी पर्न सुरु भएको र अहिले बिस्तारै कम हुँदै गएको छ ।

अहिले प्रदेश एक र दुईमा पूर्ण र बाँकी प्रदेशका पहाडी भूभागमा मौसम सामान्य बद्ली रहेको र दिउँसो पनि देशका धेरैजसो पहाडी भेगमा पानी पर्न सक्ने महाशाखाको अनुमान छ ।

आज राति भने देशभर नै मेघगर्जन, चट्याङ्ग र हावाहुरीसहित पानी पर्ने सम्भावना रहेको छ । देशमा पश्चिमी न्यूनचापीय प्रणाली, न्यूनचापीय क्षेत्र तथा बङ्गालको खाडीमा बनेको जलवाष्पयुक्त हावाको प्रभाव रहेकाले आज र भोलि मौसम पूर्णदेखि आंशिक बद्ली रही देशका धेरै ठाउँमा पानी पर्ने सम्भावना छ ।

पर्सि भने देशका धेरै ठाउँमा ठूलो वर्षाको सम्भावना रहेको छ । देशका केही ठाउँमा फाट्टफुट्ट र केही ठाउँमा मध्यम वर्षा हुने मौसम पूर्वानुमान महाशाखाको अनुमान छ ।