युवकको हत्या आरोपमा पत्नी र भाइसहित चार जना पक्राउ

२१ बैशाख, धनुषा । धनुषामा युवकको हत्या आरोपमा पत्नी र भाइसहित चार जनालाई प्रहरीले पक्राउ गरेकाे छ ।  जिल्लाकाे  हंसपुर नगरपालिकामा युवकको हत्या आरोपमा पत्नी र भाइसहित चार जना पक्राउ परेका हुन् ।

गत शुक्रबार राति हंसपुर नगरपालिका–६ टिल्हीका २५ वर्षीय शम्भु मण्डलको हत्या भएको थियो । हत्या आरोपमा उनकै पत्नी २३ बर्षीया सुशीला देवी, भाइ अनिल मण्डल र अरु दुई जनालाई पक्राउ गरिएको प्रहरीले जनाएको छ । शम्भु केही दिनअघि मात्रै वैदेशिक रोजगारीबाट फर्केका थिए ।

उनको हत्याको घटनापछि फरार रहेका पत्नी सुशीला र भाइ अनिललाई उदयपुर सदरमुकाम गाईघाटबाट नियन्त्रणमा लिइएको प्रहरीले जनाएकाे छ । उनीहरु एक मन्दिरमा बसेको अवस्थामा पक्राउ परेका थिए । पक्राउ परेका अरु दुई जनाले भने देवर भाउजुलाई भगाउन सहयोग गरेको मिश्रले बताए ।