न्यूज पिएनटिभीको प्रथम वार्षिकोत्सव सम्पन्न

२३ वैशाख,पोर्चुगल । गोडिडिजिटल प्रालिद्वारा युरोपेली मुलुक पोल्याण्डबाट सञ्चालित नेपाली अनलाइन मिडिया पिएनटिभी डटकमको प्रथम वार्षिकोत्सव सप्पन्न भएको छ ।

कार्यक्रमको भर्चुअल माध्यमबाट उद्घाटन गर्दै जर्मनीका लागि नेपाली राजदूत रामकाजी खड्काले प्रवासमा बसेर आफ्नो कामबाट बचेको समयमा पत्रकारिता गर्नु भनेको निकै चुनौतीपूर्ण हुँदाहुँदै पनि न्यूजपिएनटिभीले एक वर्षको समयमा युरोपेली देशहरूमा रहेका नेपालीमाझ लोकप्रिय बनेको उल्लेख गरे ।

कार्यक्रममा नेपाल पत्रकार महासंघ केन्द्रीय महासचिव रोशन पुरीले नेपाली पत्रकारले प्रवासमा बसेर नेपाली समुदायको मागअनुरुप अनलाइनले पत्रकारिता गरेको बताउँदै सत्य, तथ्य र निष्पक्ष पत्रकारिता गर्ने अभियान पत्रकार महासंघ हातेमालो गर्ने जनाउँदै सफलताको शुभकामना व्यक्त गरे ।

गैरआवासीय नेपाली संघका महासचिव डा हेमराज शर्मा, पत्रकार महासंघ युकेका अध्यक्ष नरेश खपाङ्गी मगर, पत्रकार महासंघ युरोप अध्यक्ष प्रेम नेपाली, गैरआवासीय नेपाली संघका मिडिया संयोजक चिरन शर्मा, पत्रकार महासंघ युरोप वरिष्ठ उपाध्यक्ष केन्जिन राई, पत्रकार महासंघगण्डकी अध्यक्ष नारायण शर्मा, गैरआवासीय नेपाली संघ पोल्याण्डका अध्यक्ष नरेश सापकोटा, गैरआवासीय नेपाली संघ स्पेनका उपाध्यक्ष उत्तर राई, पत्रकार महासंघ युरोपका उपाध्यक्ष रविचन्द्र भट्टराई र राजकुमार थापालगायतले पोल्याण्ड कर्मथलो बनाउँदै आएका नेपाली पत्रकारले नेपाली समुदायले गरेका सकारात्मक कामको उजागर र नकारात्मक कामको भण्डाफोर गर्दै जानुपर्नेमा जोड दिए ।