अजोड इन्स्योरेन्सको मुनाफा ७४ प्रतिशतले बढ्यो, प्रतिशेयर आम्दानी कति ?

२६ वैशाख, काठमाडौं । चालू आर्थिक वर्षको तेस्रो त्रैमासमा अजोड इन्स्योरेन्स लिमिटेडले ७४ प्रतिशत बढी मुनाफा गरेको छ । गत वर्ष ३ करोड ५१ लाख मुनाफा गरेको कम्पनीले यस वर्ष ६ करोड ११ लाख यो मुनाफा गरेको हो ।

कम्पनीको कुल आम्दानी यस वर्ष गत वर्षभन्दा ६३ प्रतिशत बढी र कुल खर्च ५१ दशमलव ६६ प्रतिशत बढी भएको छ । यो तेस्रो त्रैमाससम्म कम्पनीले ११ करोड १३ लाख कुल आम्दानी गर्दा ५ करोड २ लाख कुल खर्च गरेको हो ।

यसै वर्ष सर्वसाधारणमा ३० करोड बराबरको आईपीओ जारी गरी चुक्तापूँजी १ अर्ब पुर्याएको कम्पनीको जगेडा कोष रकम १२६ दशमलव ७३ प्रतिशत बढी ७ करोड ५५ लाख कायम भएको छ । कम्पनीको बीमाकोष रकम पनि ९३ प्रतिशत बढेर ९ करोड २९ लाख कायम भएको छ ।

कम्पनीले ६८ दशमलव ९० प्रतिशत बढी यो वर्ष १ अर्ब २ करोड ४१ लाख कुल बीमाशुल्क आर्जन गरेकोमा २०१ प्रतिशत बढी ५० करोड २९ लाख कुल दाबी भुक्तानी गरेको छ । गत वर्ष १ हजार ५६८ जनामा कुल दाबी भुक्तानी गरेको कम्पनीले यस वर्ष ३ हजार ३५० जनामा दाबी भुक्तानी गरेको हो ।

गत वर्ष ७० हजार ४०० बीमालेख जारी गरेको कम्पनीले यस वर्ष १ लाख ५ हजार ९० बीमालेख जारी गरेको छ । कम्पनीको प्रतिशेयर आम्दानी ८ दशमलव १५ र प्रतिशेयर नेटवर्थ ११७ दशमलव ६८ रहेको छ ।