आईपीओ निष्कासन गर्ने तयारीमा रहेको रिलायबल नेपालको मुनाफा २० करोड ३४ लाख

२८ वैशाख, काठमाडौं । चालू आर्थिक वर्षको तेस्रो त्रैमाससम्म रिलायबल नेपाल लाइफ इन्स्योरेन्स २० करोड ३४ लाख मुनाफा गरेको छ । गत वर्ष कम्पनीले १६ करोड ७० लाख रहेको थियो । जुन गत वर्षको तुलनामा २२ प्रतिशत बढि हो ।

कम्पनीले तेस्रो त्रैमाससम्ममा २ अर्ब ३२ करोड ३४ करोड ७३ लाख कुल बीमाशुल्क आर्जन गरेको छ । गत वर्षभन्दा यस वर्ष ९१ प्रतिशत बढी कुल बीमाशुल्क आर्जन गरेको हो । गत वर्ष यस अवधिसम्म कम्पनीले १ अर्ब २१ करोड ५६ लाख ७३ हजार कुल बीमाशुल्क आर्जन गरेको थियो ।

हाल कम्पनीको चुक्तापूँजी १ अर्ब ४० करोड रहेको छ । सर्वसाधारणमा आईपीओ जारी गरी कम्पनीले २ अर्ब चुक्तापूँजी कायम गर्नेछ । कम्पनीको जगेडा कोष रकम गत वर्षभन्दा ३७ दशमलव ७७ प्रतिशत बढेको छ ।

गत वर्ष ५९ करोड ७५ लाख रहेको जगेडा कोष रकम यस वर्ष ८२ करोड ३२ लाख कायम भएको छ । जीवन बीमा कोष रकम १३२ प्रतिशत बढेर २ अर्ब ३७ करोड २१ लाख पुगेको छ ।