अर्थले दियो रेमडिसिभिरको आयातमा लाग्ने सबै कर छुट

५ जेठ, काठमाडौं । अर्थ मन्त्रालयद्धारा कोरोना भाइरसविरुद्धको उपचारमा प्रयोग हुने रेमडिसिभिरको आयातमा लाग्ने सबै कर महसुल छुट भएको छ । सरकारले कोरोना विरुद्धको उपचारमा प्रयोग भइरहेको रेमडिसिभिर औषधिको आयातमा लाग्ने सम्पूर्ण कर, महसुल तथा शूल्क पूर्ण रुपमा छुट गरेको हो ।

मन्त्रालयका अनुसार भन्सार उपशीर्षक ३००४।९०।९० मा पर्ने यो औषधिको आयातमा लाग्ने कर छूट दिइएको हो ।ल आयातकर्ताले यो औषधिको अधिकतम खुद्रा मूल्य सार्वजनिक गरि सर्वसुलभ रुपमा बिक्री वितरण गर्नुपर्नेछ ।

अर्थ मन्त्रालयले यसरी भन्सार महसुल छूटमा आएका औषधि उद्देश्यअनुसार प्रयोग भए नभएको र प्रदान गरिएको राजस्व छूट अनुसार रकम उपभोक्ताले मूल्यमा समायोजन पाए नभएको अनुगमन भने स्वास्थ्य तथा जनसंख्या मन्त्रालय र उद्योग, वाणिज्य तथा आपूर्ति मन्त्रालयले पाक्षिक रुपमा गर्ने व्यवस्था मिलाउनु पर्ने निर्णय गरेको छ ।