घाँटी रेटेर हत्या गरी फालिएको अवस्थामा महिलाको शव फेला

५ जेठ, विराटनगर । मोरङमा एक महिलाकाे हत्या भएकाे छ । जिल्लाकाे रंगेली नगरपालिका–३ को नहरखण्डमा हत्या गरी फालिएको अवस्थामा २४ वर्षीय महिलाको शव फेला परेको प्रहरीले जनाएको छ ।

बुधबार पानी नरहेको नहरको बीच भागमा घाँटी रेटिएको अवस्थामा २४ वर्षीया अनिता यादवको शव फेला परेको हो । यादवको घर घटनास्थलबाट करिब दुई किलोमिटर टाढा मात्रै छ ।

प्रहरी स्रोतका अनुसार हत्यामा परिवारकै संलग्नताको आशंका गरिएको छ । प्रहरीले घटनाको अनुसन्धाका लागि मृतकका श्रीमान्, सासु, ससुरा र देवरलाई पक्राउ गरेको छ । अनिताको शव नहरमा भेटिएपछि जिल्ला प्रहरी कार्यालय मोरङ अनुसन्धान सुरु गरेका छौं ।