बजेट अधिवेशन आजबाट सुरु, विश्वासको मत लिएपछि मात्र नीति कार्यक्रम

१६ जेठ, काठमाडौं । गण्डकी प्रदेशसभाको बजेट अधिवेशन आजबाट सुरु हुँदैछ ।  दिउँसो १ बजे अधिवेशन शुरु हुनेछ । प्रदेश सरकारले आर्थिक बर्षको बजेट असार १ गते ल्याउनुपर्ने कानूनी बाध्यता रहेको छ ।

मुख्यमन्त्री पृथ्वी सुब्बा गुरुङ दोस्रो पटक मुख्यमन्त्रीमा नियुक्ति भएपछि उनले जेष्ठ २९ गतेसम्म बिश्वासको मत लिनुपर्ने भएकाले यसै अधिवेशमा पहिलो साता नै विश्वासको मत लिनेछन् । मुख्यमन्त्री बैशाख २९ गते दोस्रो पटक प्रतिनिधिसभामा प्रतिनिधित्व गर्ने सबैभन्दा ठुलो दलको हैसियमा मुख्यमन्त्रीमा नियूक्त भएका थिए ।

अल्पमतको सरकारलाई पूर्ण बजेटको अधिकार नहुँने भन्दै त्यसअघि प्रदेशसभामा विश्वासको मत लिनुपर्ने विपक्षीहरुले माग गरेका छन् । यधपि केन्द्रमा जस्तो राजनीति प्रदेशमा पनि दोहोरिन सक्ने भन्दै विपक्षी आंशकित देखिएका छन् ।

गण्डकी प्रदेशसभाको सातौं अधिवेशन चैत्र २५ गतेबाट शुरु भई बैशाख २ गते अन्त्य भएको थियो । यस बीचमा विशेष अधिवेशन समेत आब्हान गरिएको थियो ।