सुनको भाउ निरन्तर उकालो

१७ जेठ, काठमाडौं । सुनको भाउ गत हप्तादेखि निरन्तर उकालो लागेको छ । नेपाली बजारमा सुनको भाउ लागेसँगै सुनको मूल्य बढ्ने क्रम पनि रोकिएको छैन ।

नेपाल सुनचाँदी व्यवसायी महासंघका अनुसार गत अधिकतम ९४ हजार प्रतितोलामा कारोबार भएको सुनको मूल्य सोमबार थप २०० रुपैयाँ वृद्धि हुँदै ९४ हजार २०० रुपैयाँ पुगेको हो ।

आज तेजाबी सुन प्रतितोला ९३ हजार ७०० रुपैयाँ कायम भएको छ । यता चाँदी भने सोमबार पनि प्रतितोला ५ रुपैयाँले वृद्धि हुँदै एक हजार ३६० रुपैयाँ कायम भएको महासंघले जनाएको छ ।