मोरङमा जेठ २४ गतेसम्म निषेधाज्ञा थप

१७ जेठ,मोरङ । मोरङमा यही जेठ २४ गतेसम्म निषेधाज्ञा थपीएको छ । जिल्ला प्रशासन कार्यालय मोरङले जेठ २४ गतेसम्मका लागि निषेधाज्ञा थप गर्ने निर्णय गरेको हो ।

कोरोना संक्रमण बढिरहेको अवस्थालाई ध्यानमा राखी जिल्लामा जारी निषेधाज्ञालाई जेठ २४ गतेसम्म थप गर्ने निर्णय गरेको हो । प्रमुख जिल्ला अधिकारी कोषहरि निरौलाले आज निषेधाज्ञाको समय सकिनु अगाडि पाँचौं सूचना जारी गर्दै जेठ २४ गते राति १२ बजेसम्मको लागि निषेधाज्ञाको आदेश जारी गरेका हुन् ।

स्थानीय प्रशासन ऐन २०२८ को दफा ६ को उपदफा ३, संक्रामक रोग ऐन २०२० को दफा २ र कोभिड–१९ सङ्कट व्यवस्थापन अध्यादेश २०७८ बमोजिम जेठ २४ गतेसम्मका लागि निषेधाज्ञा थप गर्ने निर्णय गरिएको हो ।