बौद्धमा बोरामा पोको पारेर फालेको अवस्थामा खुट्टाको भाग फेला

२५ जेठ, काठमाडौं । बौद्धस्थित नयाँबस्ती टाउनप्लानिङमा बोराभित्र कोचेर फालिएको अवस्थामा मानिसको एउटा खुट्टा भेटिएको छ । उक्त खबर पाएपछि प्रहरी घटनास्थलमा पुगेको छ ।

स्थानीयले बोरामा पोको पारेर फालेको अवस्थामा मानिसको खुट्टा देखेपछि प्रहरीमा खबर गरेका थिए । सो खबरलगत्तै महानगरीय प्रहरी टोली घटनास्थलमा पुगेर अनुसन्धान थालेको छ ।

बौद्धस्थित दिव्य पार्टी प्यालेसनजिकैको खाली जग्गामा एउटा बोराभित्र केही पोको पारेर फालिएको थियो । त्यसभित्र मानिसको एउटा खुट्टा मात्र काटेर फालेको भेटिएको पूहरीले जनाएको ट । प्रहरीका अनुसार घुँडा र खुट्टाको भाग मात्रै भेटिएको छ र शव केही हप्ता पुरानो हुन सक्ने प्रारम्भिक अनुसन्धानमा देखिएको छ ।

अनुसार घटनास्थलमा कार्पेट काट्न प्रयोग गरिने ब्लेड पनि फेला परेको छ। प्रहरीको टोलिले घटनास्थलमा तालिम प्राप्त कुकुर र अन्य प्राविधिक पाटोबाट अनुसन्धान गरिरहेको छ ।