बीबीसीदेखि विश्वका प्रमुख मिडिया वेबसाइटको सेवा अवरुद्ध

२५ जेठ, एजेन्सी । बीबीसी सेवादेखि विश्वका प्रमुख मिडिया वेबसाइटको सेवा मंगलबार अवरुद्ध भएको छ । आज केही बेर फाइनान्सियल टाइम्स, न्युयोर्क टाइम्स र ब्लूमवर्ग न्युजको वेबसाइट सेवा अवरुद्ध बन्न पुगेको हो ।

सीएनएन र फ्रान्सको ले मोन्डेको सेवामा पनि केही ‘त्रुटि’ देखिएको छ । त्यस्तै अमेजन डटकमको सेवा पनि अवरुद्ध बनेको थियो । अमेजनले भने यस विषयमा कुनै प्रतिक्रिया दिएको छैन ।

बेलायतको गार्डिजन पत्रिकाले आफ्नो वेबसाइट र एप प्रभावित बनेको बताएको छ । अन्य केही बेलायती मिडिया वेबसाइटमा पनि समस्या देखिएको छ । बेलायत सरकारको प्रमुख वेबसाइटको सेवा पनि अवरुद्ध भएको छ ।

बीबीसीका अनुसार उसका अन्य आउटलेटहरुमा समस्या भएको छ। त्यस्तै अलजजीराका अनुसार उसका केही सब-होस्टिङमा समस्या देखिएको छ भने मुख्य पृष्ठ भर्खरै खुलेको छ।

ठूलो व्यापारिक वेबसाइट अमेजन डटकम कुनै ठाउँमा खुल्ने र कुनै ठाउँमा नखुल्ने समस्या देखिएको छ। उसले आफ्नो साइटको समस्याबारे केही बताएको छैन। बेलायतको गार्डियन अखबारले आफ्नो साइटमा पनि समस्या देखिएको बताएको छ।